قصيده كتبها واحد متعقد من المكياج تقول

يا صانع المكياج الله يجازيك
خليتني مخدوع في شكل خلي

الله يحرق مصنعك مع مبانيك
والمعرض الموجود في بيكاديلي

ادعي عسى تعمى وتنشل رجليك
هذا دعائي دوم لا جيت أصلي

خليتني اركض ورا البنت هاذيك
واشوفها أجمل غرام ٍ حصل لي

قلبي عشقها يا(جيفنشي) توماتيك
وان شافها قلبي يرحب يهلي

هي رحبت بي وقالت الله يحييك
وقالت هلا باللي عشق زين شكلي

وقالت أنا أجمل بنت في اللي حواليك
شف حسني الأخاذ وروجي العسلّي

طالعتها ثم قلت هالقلب يبغيك
ومن شاف حسنك خلي غيرك يولي

ابغي اشوفك دون مكياج يكسيك
وابغي اشوفك بالجمال المحلي

قالت تبيني افرك الوجه تفريك
واشيل هالبودر وروجي وكحلي

قلت أي نعم قومي عسى الروح تفديك
ابغي جمالك هالطبيعي يهلّي

قالت دقايق راجعه لك واراويك
ذاك الجمال اللي لعينك يسلّي

ويوم رجعت لي شربكتني الشرابيك
وحسيت الأرض تدور وأنا بمحلي

الخد كنه يا(جيفنشي) سيراميك
والوجه شارع مثل شارع حولي

الوجه كنه بيت كله شبابيك
من هالحفر في وجهها اللي يعلّي

كله سبب مكياجك الله يجازيك
خليتني مخدوع في شكل خلي

ونصيحتي لكل شاب من غير تشكيك
لا لا تسرع ثم تنغش مثلي

اللي بلا مكياج خلها حواليك
واللي تحط مكياج ...

خلها تولي

____________

اعشق قلمك وأبداعك
واعشق روعة حروفك
واعشق همسك واحساسك
دأماً انت متميز بطرحك واسلوبك
لك مني كل الشكر على جميل كلماتك

كلمات روعه
عاشت الايادي
يسلمووووووووو

تسلم الايادي صج روووعة ...... اشوه انا ما اخلي مكياج هههه

شكرا سحابه على الموضوع وبالنسبه الي اشوف المكياج البسيط اجمل للمرأه من المبالغه

تسلم الايادي الي كتبتها

الحمدلله ماحب المكياج كثير الطبيعه مافي احلى منها

مشكور على القصيد هههههه

» شنط لحفظ المكياج ،شنط راااااااااائعة لحفظ المكياج.
» روابط توقيع فلاشيه واحد يحب واحد حاتم العراقي
» قصيده في مدح سيدنا محمد صلى الله عليه وسلم