كرسي الرئاسة

موضوع: كرسي الرئاسة 30/11/09, 02:12 pm

كرسي الرئاسة

لا ياخشب بسك تغري هاي الناس
مـــو لجلك ذبـــحت الـوادم اخوتـــه
هواي من تمكنت وتمسكنت بيك
طغو عالناس وبلحظة نست صحبتــه
وصارت افاعي تلدغ وتضم الراس
وناس الما تاخذ له براي بسمه سمته
يعيش بخير الي الهم يدنك الراس
هواي ناس الرجولة علةالفلس نزعته
اطم الروح لو ركضت ورى الدينار
وبركع هالرجولة لـــو باعت كرامتـه
ترى الملك مو كلمن تربــــع بيك
هواي ملوك جتــهم اشـــراف وذ لتـه
الملك الي يكسي شعبة ويضل عريان
وغيرة عندة على ارضة وحضراتـــه
وبالتواضع والبساطة البــي يكـــدر
يحافظ على مــلوكيتة وعلى سمعتــه
الملك كلمن راضـــي الله عليــه
وكلــمن شملته الناس كلـــه بمحبتــه
لتغرك الدنية لوصعدتك يـــــــوم
هي يمــته نطت نعمــة لواحد ودامته
وين يزيد وين فرعون وين الاكاسر
خذتهم الكاع وصارو من ضمن تربته
تهنو بالحياة ولبسو اشكال والوان
وطغو عالناس وقسو حتة وية احبته
غشمة وما درو بالدنية امتحان
ومركز عبور يأدي للمستقر بآخرته
وكل يوم بغزو الهم علة الجيران
ونكَرو جورة عمر ورأســاً حاربتـه
سلام الله عليك يارسول الله داود
ابد مــا غرتك هالدنية بكل ملذتــه
كنت بغنة علة الحدادة يانبي الله
ولا كنــت محتـاج لكل هاي اجرتــه
لان ملك انتة ورازقك الـــرزاق
ويكفي لشخصـــك الطاهــر نبوتــه
غلطان اليكَول كنت طامع بهالمال
لان هاي عبــرة منك واله حكمتــه
وحكمته } لاتطغى يلعندك ملايين
هم تخلص وترد بالايــد وصفكتــه
[ندعوك للتسجيل في المنتدى أو التعريف بنفسك لمعاينة هذه الصورة]