حلفت انا دامني على الارض منساك
معقولة انسى من سكن وسط عيني
لا تعتقد في يوم اباعد وبسلاك
دا انت الامل عندي وكل الحنيني
روحي وقلبي والحشا من فدياك
ولا جاك سؤ صار نومي ونيني
لك منزلا عالي على صرح الافلاك
مترفع عن جمة الحاسديني
وش لو وصفتك كل الاوصاف تزهاك
قول وكاد ومثبتا باليقيني
سبحان من صور جمالك وسواك
جمال مايوصف موثق بديني
مافيه ابد مثلك ولا في حلياك
نادر ولو ماقلت شئ يبيني
كل الخصال الطيبة من مزاياك
جميع خلق الله بها عارفيني
يكفيني اتلذذ بذكراك وطرياك
مادمت احبك طز بالناقديني
وقف تريث ياغرامي وخذ هاك
بعطيك قلبي وامسكه لا يجيني
وادعي عسى رب المخاليق يرعاك
ويحميك ربك من غثا الحاسديني