شبيك تغيرت

موضوع: شبيك تغيرت 30/11/09, 01:59 pm

شبيك تغيرت يمعود شبيك

عين الصابتكـ لو هذا أنته؟؟

متكَلي شفت من دنيتكـ هاي ؟

لوعات وألم والضيم شفته ..

ومن تضحكـ جذب بسرعه يبين بيكـ

ومن تبجي على كيفكـ أبجي بسكته .

ترى الشمّات يضحكـ لو سمع آهات

أحذركـ وأنتَ اسمع هالحجي ألكّلته .

كآابر للزمن واترك همومكـ غاد

ألزمن ناعور ترى عكس الماي فرته .

شفت ضيم صبرت ما دنكَيت الراس

وكل طيحه طحتها حيلي هدته .

أشوف عداي تضحك وانه بيه النار

وبركَبتي الدنيا المنشار حدته .

ما يوم نحنيت وكَلت اطخ الراس

وهذا الكَلب مافد يوم بدلته.

أصبر بعد اصبر واصبر على الجاي

الراح ارحم من الجاي ... خمنته .

بعد بينه الزمن داير وبعد يدور

بس تبقى العواذل شما علت فلته

» حتى القصص تغيرت