ومضات جميلة

موضوع: ومضات جميلة 30/11/09, 01:51 pm

العش مو حطب خل يفهم الحطاب
العش بيت شرعي وساكناته اطيور
العصافير اعتراض الهن على الحطاب
جاب اعشوشهن ونطاهه للتنور

موت من العطش بس لاتطر بستان
لان تصفن عليك اشكد نواعير
يوسف من جماله ابير ذبــــــــــــــوه
اشعجب ليهسه اخوتك مالكو بير؟

يالطعمك عسل ماترحم العطشــان
ولوكطرة نده اشوي خاف من ربك
نصبك بستكان الجاي جاي اغروب
من كثرة حلاتك جاينه ايشربك

حاجز لا تخلي الباب فد يوم
من عين البشر لا تنحسد خاف
يبو وجه اليشع ياباب اليفيد
سور الصين لو خليته تنشاف

انت تدري عيوني لمن تشتهيك
تنطي كومة عيون بس اشوفك
لو جنت انت هبل ما هدموك
وجذب ما جانت قريش تعوفك
وجان ليهسة العرب متمسكة بيك
اجيب قربان وتجيك اطوفك

اكو دمعة انعمت طاحت
وهم مثلهة اكو عين
والفرق بين الثنين
هاي طاحت بالملاهي وهاي طاحت عالحسين

ابوسك بالحلم واعلن صيام أسبوع
طعــم شفتك دوى ويمنـــع شهيـــــــتي000
إذا أبوســك صدك راح اضعف هواي
لأن راح ابــقى صــايـم حـــد منـيتـي000

احذرك لوتريد تسوي عركة وياي
ماشايفني حقك لمن اتعارك
اشك حلكك ابوسة ومنك اخذ ثار
وبلكي تهد علية وتاخذ بثارك

يومية الصبح اسمع خبر مو زين
ويومية العصر اسمع فجيعة
عراق وكلك اسود حتة الاخبار
الابيض بيك بس وجة المضيعة

» ومضات جديدة وجميلة
» تواقيع متحركه جميلة جدا
» صور ثعابين بألوان جميلة