محشش يبحث عن تعيين

موضوع: محشش يبحث عن تعيين 21/05/10, 07:27 am

السلام
عليكم ,,
صديقي مهندس
تخرج وصار ربة بيت [ندعوك للتسجيل في المنتدى أو التعريف بنفسك لمعاينة هذه الصورة] صارله سنين
حته هسه ماشاء الله عليه يعرف يطبخ وينظف توب كلوب

فسولفي على محاولاته للتعيين واليكم التفاصيل
اليوم واني كاعد , ,,
فكرت فد فوكرة ,,
هاي الفوكرة تتضمن انه اني ليش ما اروح اشوفلي تعيين
؟
و طبعا اني تعييني كلش مضمون ,,
لان لا عضو بواسطة و لا عندي حزب ,, (يمكن بالعكس)
,,
اني هم رجعت لسوك الهرج اللي اسمه غرفتي ,,
و لبست تيشرت حلو مرسوم عليه تويتي شايل فيتبم مال
بيجو 307 ما اعرف شيصخم بي و بنطرون جينز و حوذاء رياضي ,,
و طلعت من البيت و اتوجهت تلقائيا لوزارة جانت طالبة
تعيين ,,

أجرت تاكسي ,
اي لعد اروح ركض لو سباحة فراشة؟,
ابو التاكسي شايب عمره 105 سنة كل سنة 455 يوم ,,
- حجي انتة وكفت لان ناوي اتوصلني لو اتخربطت ؟
- ابني غير اشرتلي و وكفت ؟ وين توصل ؟
- اذا الله مد بعمرك يم بدالة العلوية ,,

مشينا و الحجي كلساع يطلع صوت ,,
و اني فاتح ايديناتي و قريتلة الفاتحة يمكن 47 لان
كلساع عبالي مات ,
اني مو علمود شي خلي يموت قابل مخلفة و ناسي بس
ماعندي فلوس اخذ تاكسي لاخ ,
عزرائيل شافني كلش محتاج وظيفة فنقهر عليه و غلس عال
حجي ,

وصلت و فتت لابو الاستعمالات مدري الاستلعامات

- مساء الخير (هاي عود بال 10 الصبح!!)
- اهلا ابني اتفضل ؟؟
- لا تسلم توني متعشي (هذا الحجي عود بال 10 و خمسة
الصبح )
- مو أتفضل أتزقنب اتفضل شتريد ؟؟
- كالو فاتحين وظايف علمود تريدون تعيينات بالنسبة
(رتب هذه الجملة تنازليا)
- شنو؟
- بالنسبة للتعيينات تريدون وظايف ؟
اني مدري شصار بيه شو ارتبكت ,, ,,
طبعا اخر شي افتهم و دزني للطابق الفوك حتى اقدم
الفايل ماالتي

صعدت فوك ,,
بسم الله الرحمن الرحيم ,,
هاي شنو؟
لكيت نص الشعب العراقي العظيم واكف سرة ,,
بحيث اكو ولد اللي ادري بي انكتل قبل 3 سنين هم شفته
,,
الظاهر ماكو تعيينات بجهنم , عزة هذا ابو صاحبي هو
وصاحبي واكفين سرة شكد عيب ,
ظليت ساعة امشي بس حتى اعرف السرة وين يخلص ,,
بحيث اتوقعت سرة النهايتة مكتوب قطعة بغداد تودعكم
رافقتكم السلامة ,
مشيت و مشيت و جتني قطعة (المحمودية ,, 20 كيلو) ,
تعبت من المشي انداريت على واحد كتلة حبي ماكو كيا
هنا اوكفها و اكلهم عود نازل ورة اخر واحد؟

وصلت للنهاية و وكفت , و كمت اسمع الحجي حتى الهي
روحي

- يكولون هنا الراتب مو فلوس ,, طبقة بيض ينطوك
بالاسبوع
- ليش رايدين مهندسين لو دجاج ؟؟

- كلي هذا السرة شوكت يوصلنا اني مستعجل
- شعندك؟؟
- عرس اخوية بعدلة 10 ايام و ما اريد اقهرة و ما اجي

- كلي ابني كونترول و ديليت يسوي كوبي لو كوبي يسوي
كونترول و ديليت ؟؟
- حجي انتة بس صفي نيتك هية الحاسبة تشتغل عمرك92
سنة و جاي اتقدم وياية؟ انتة بس تتعين راح تستلم الراتب تقاعد عمي دكلب

بعد 22 يوم ,,

" اكتب هذه السطور و انا واكف بنص السرة على فانيلتي
,, و الحبر هو دمي ,,
19 واحد من اللي جانو واكفين ماتو من العطش ,,
و 12 انتحرو ,,
و لا معين حتى هذه الساعة و تستمر ازمة السرة العويص
,,
اخر جكارة دخنتها قبل 9 ايام من جان ترتيبي بالسرة
823456 ,,
بصفي جثة واحد خريج معهد مات من الجوع قبل 3 ايام ,,

الرجال الشايب اللي سأل عن الكونترول و الديليت هم
مات و اتحنط و طلعت طحالب على كرعيته و طلع خريج تربية بنات ,,
اكتشفت انه اني واكف اول واحد بالسرة ,,
تالي طلعت ظاهرة السراب هاي ,
الى من تقرأ هذا النص بعد وفاتي رجع فايلي للبيت حتى
امي اتعلكة بصف صورتي و تكتب شهيد السرة الرابع عشر , انتهى, "

,, مديت بصري شاقوليا ليجاي,,
و اني الفظ انفاسي الاخيرة و شفت بصعوبة واحد طلع من
الباب مال غرفة الاختبار و تقديم الفايلات ,, و كال :

- اخوان اللي بقة عايش يرجع لأمه ,, قفلنا باب
التعيين

تحيــــــاتي

موضوع: رد: محشش يبحث عن تعيين 31/05/10, 09:04 am

سلمت اناملك الرقيقه
حينما قرات ما خطته اناملك
لا يسعني الا ان اقول
إستمر بالكتابه
ولاتحرمنا من رقة وعذوبة حروفك
تقبل مروري المتواضع
بنتضار جديدك بشتياق
ودي ووردي

موضوع: رد: محشش يبحث عن تعيين 01/12/10, 07:24 pm

يسلموووووووووووووووووووووووووووووووووووووووو

» مستشرق أراد ان يبحث عن عيوب فيه القرآن فأنظر ماذا وجد‏
» محشش يكتب مسلسل تركي ؟؟